اكتشف من انت؟؟

موضوع: اكتشف من انت؟؟ الخميس أبريل 02, 2009 11:59 pm

السلام عليكم ورحمة من الله و بركاته ................

أعزائي الكرام .. أحببت أن أقدم لكم اليوم بضع من الأسئلة من خلالها ... سأعطيك مواصفاتك الشخصيه سلبياتها و محاسنهاا و نصائح للتخلص من السلبياات ... مع العلم بأن تلك مجرد محاولات يمكن أن أصيب و يمكن أن أخطئ ....... أترككم الآن مع الأسئلة

1- لونك المفضل ؟ إذا كان أكثر من لون اذكره
2- شخصيه تشد انتباهك ؟
3- وجبتك المفضله ؟
4- صادفت جبل أثناء سيرك فماذا تتوقع خلف ذلك الجبل ؟ ( اشرح ماستجد من وحي خيالك)
5- ماذا يعني لك كل من ( البحر - الصحراء - السماء - الطبيعة الخضراء) وماذا تفضل
6- لو دخلت مسابقة رسم وتتمنى الفوز بتلك المسابقة فماذا سترسم ؟
7- طاردك دب فما تصرفك إذا كنت في غابه؟ وما هو شكل هذا الدب ( اشرح ما يحدث لك وما هو شكل الدب من وحي خيالك )
8- الحياة بالنسبة لك هي .......
9- العبادة بالنسبة لك هي .........
10- شيء تحبه جدااا ولا تسطيع أن تتخلى عنه

والله الموفق

زائر

1- لونك المفضل ؟ إذا كان أكثر من لون اذكره
الروز والاسود والازرق بدرجاتهم
2- شخصيه تشد انتباهك ؟
اي حد محترم عاقل ومرح وبشوش
3- وجبتك المفضله ؟
ورق العنب والماكرونه باشميل
4- صادفت جبل أثناء سيرك فماذا تتوقع خلف ذلك الجبل ؟ ( اشرح ماستجد من وحي خيالك)
هلاقي بحر جميل وهادي واشعه الشمس نازله عليه والعصافير بتطير حوليه
5- ماذا يعني لك كل من ( البحر - الصحراء - السماء - الطبيعة الخضراء) وماذا تفضل
البحر عشقي
الصحراء الهدوء
السماء الصفاء
الطبيعه الخضراء الحياه الحلوه والتفاؤل
6- لو دخلت مسابقة رسم وتتمنى الفوز بتلك المسابقة فماذا سترسم ؟
ارسم منظر طبيعي
7- طاردك دب فما تصرفك إذا كنت في غابه؟ وما هو شكل هذا الدب ( اشرح ما يحدث لك وما هو شكل الدب من وحي خيالك )
هحاول استخبي في اي مكان
وشكله
كببيييييييييييييير وبني وماشي يطوح يمين وشمال وصوته عالي اوي
8- الحياة بالنسبة لك هي .......
الفــــــــــــــــــــانيه
مدرسه بسيطه بس للي يفهمها
وغموضها ووحشتها بتزيد كل يوم
9- العبادة بالنسبة لك هي.........
البــــــــــــــــــــــــــــــاقيه
10- شيء تحبه جدااا ولا تسطيع أن تتخلى عنه
روحي وامي وابويا واخواتي

اعرف نفسي ازاي بقي؟؟؟

شكرا ليكى يا ساسو على مشاركتك وبما ان انتى اول واحده تبدأى بالشاركه فانا هتوصى بيكى هههههه

هقولك بقى ازاى يا ستى انا هقولك تحليل لشخصيتك من خلال ردك على الاسئله بس كده
يـــــــــــــــــــــــــــــلا نبدأ

1 مرتبه ومنظمه وبشكل عام بتحبى الترتيب
2 بتحبى تتمشى فى اماكن غير مسوره يعنى مكان فسيح بدون اسوار
3 بتحبى الليل وبتعشقى الهدوء
4 طموحه وبتحبى تتطورى من ذاتك
5 مســـــــــــــالـــــمــه
6 مصاحبه نفسك ومتوائمه معاها
7 بتفكرى كتير وبتقعدى تتأملى فى السما كتيير
8 مش بتقدرى تواجهى المشكلات الكبيره بالرغم من تفكيرك الكتير
[ اعتقد انك فيكى شىء من الغموض

انا قولت ان فيكى شىء من الغموض لاسباب اولها انك بتحبى اللون الاسود ووصفك للحاجات
انا حبيت بس اقولك على السبب ان قولت كده عشان تقوليلى صح ولا غلط ممكن اكون غلط

اعذرينى اذا كنت اخطأت
اتمنى الرد على التحليل ده صح ولا ايه

زائر

حلووووووووووووووووووو اوي وبجد وشكرا علي تعبك بجد تسلم ايديك
هقول بقي تعقيباتي علي التفسير
اولا
انيي متربه ومنظمه ده مش ديما علي حسب المود لو فايقه ورايقه تلاقي مفيش احلي منك
كده لكن لو مخنوقه يبقي اي حاجه في اي حته
ثانيا
بفكر كتير دي مش اوي احيانا علي حسب الموضوع والمشكله
وربنا ماايجيب مشاكل لينا يارب
ثالثا
الغمووض ده مش فيااااااا خالص بالعكس تماما والناس اللي قريبين ليا هما اللي يقدرو يحددوا يمكن اكون غامضه وانا مش واحده بالي

بالنسبه لاختياري اللون الاسود لاني لقيته بستخدمه كتير وبحس انو بيجمل اي حاجه وبيديها وقار

هههههههههههههههههههههههههههههههههههههههههه
وبجد مشكوووووووووووووووووووووره اوي ياسنو وايت
heart

حلوه أوى الفكره دى عمله زى التحليل النفسى

يا ريت أعرف موصفاتى بسرع بكل ما فيها حلو أو سىء

snowwhite كتب:: السلام عليكم ورحمة من الله و بركاته
................

1- لونك المفضل ؟ إذا كان أكثر من لون اذكره
أزرق وأسود ورصاصى
2- شخصيه تشد انتباهك ؟
الشخصيه الذكيه الواضحه

3- وجبتك المفضله ؟
الماكرونه ع الطريقه الإيطالى
4- صادفت جبل أثناء سيرك فماذا تتوقع خلف ذلك الجبل ؟ ( اشرح ماستجد من وحي خيالك)
قرايه بسيطه بدائيه
5- ماذا يعني لك كل من ( البحر - الصحراء - السماء - الطبيعة الخضراء) وماذا تفضل

البحر الهدوء والراحه
الصحراء الفراغ
السماع التفكير
الطبيعه السلام مع اللنفس
6- لو دخلت مسابقة رسم وتتمنى الفوز بتلك المسابقة فماذا سترسم ؟
رسم كروكى بالقلم الرصاص
7- طاردك دب فما تصرفك إذا كنت في غابه؟ وما هو شكل هذا الدب ( اشرح ما يحدث لك وما هو شكل الدب من وحي خيالك )
أنسلق شجره عاليه
أو أموه أعمل ميت بدون إنفعالات
الدب كبير جدااا طوله أكتر من 2 متر وزنه 500كجم

8- الحياة بالنسبة لك هي .......
كلمه من 6حروف ولكن ليها أكتر من مليون معنى
9- العبادة بالنسبة لك هي .........
بدايه كل شىء ونهايه(أساس)
10- شيء تحبه جدااا ولا تسطيع أن تتخلى عنه
عائلتى الصغيره
(عملاتى النادره(

موضوع جميل جدا

ومشكورة علي الفكرة ويلا نبدا يا دكتورة

1- لونك المفضل ؟ إذا كان أكثر من لون اذكره
الابيض - الاسود - الازرق - الوردي -الاحمر الداكن
2- شخصيه تشد انتباهك ؟
الشخصية الهاديه - الصبورة - التصرف بذكاء - المنثقة -المثقفة
3- وجبتك المفضله ؟
معكرونة بالبشمل - الارز - البسلاء - البطاطس
4- صادفت جبل أثناء سيرك فماذا تتوقع خلف ذلك الجبل ؟ ( اشرح ماستجد من وحي خيالك)
بحر - نخل - فرس - رجال وعشيرة
5- ماذا يعني لك كل من ( البحر - الصحراء - السماء - الطبيعة الخضراء) وماذا تفضل
البحر ---> احيانا اشوف فيه الجمال و احيانا اشوف فيه الغدر و الخيانة
الصحراء ---> بلد الصبر
السماء ---> الصفاء و الجمال
الطبيعة الخضراء ---> الراحة و الهدوء و الرقة
وافضل الصحراء و الطبيعة الخضراء
6- لو دخلت مسابقة رسم وتتمنى الفوز بتلك المسابقة فماذا سترسم ؟
سارسم مسجد من الداخل - سارسم طبيعة مصر (اهرامات بجانب النيل بجابن المسجد و الكنيسة بجانب حمامة السلام )
7- طاردك دب فما تصرفك إذا كنت في غابه؟ وما هو شكل هذا الدب ( اشرح ما يحدث لك وما هو شكل الدب من وحي خيالك )
شكلة ابيض فيه خطوط بني و بشعر بس انا اقوي منه و اكبر منه
8- الحياة بالنسبة لك هي .......
هي مدرسة بتعلم منها وبدرب فيها
9- العبادة بالنسبة لك هي .........
هي معني وجودي في الحياه
10- شيء تحبه جدااا ولا تسطيع أن تتخلى عنه
قلبي وروحي وعشيرتي واحلامي الاربعه

شكرا اوى يا eng.ahmed
يارب احلل الكلام صح ان شاء الله

يلا بسم الله

1بتحب تجرب الحاجات الجديده
2 شخص ذكى وبتعرف تتطلع من اى موقف مش حلو دخلت فيه
3 تعرف تهرب من سؤال مش عايز تجاوب عليه وتغير الموضوع بموضوع تانى او تقلبها هزار وتنكيت
4 دقيق بتقيس كل حاجه وتعمل حسبها
بس انا عايزه اسأل على حاجه بما انك بشمهندس يعنى هو انت فى قسم عماره انا اعتقد كده او لو مش اتخصصت لسه اعتقد انك تقدر تتميز فى القسم ده
5 تمتلك موهبه
6 واخد الدنيا على هامش الشعور مش مهتم بيها اوى
7 بتحب كل حاجه قديمه واعتقد انك تحب تعيش فى زمن غير الزمن ده

ألف شكررررررر على الكلام الجميل ده
وأغلابه صح
بس....
أختلاف فى جزيئه الهزار دى أنا مشكلتى مش بعرف أهزر
الحاجه التانيه أنا فى إعدادى هندسه مع أبو الإسعاد
وإن شاء الله هتخصص مدنى مش عماره

تحليلك فوق الرائع بجد تسلمى

شكرا يا ابو حميد
بس لسه مش وصلنا للدكتوره دى دى حاجه كده على ادنا

بس ياريت تعلق على اللى هقوله ده وتقولى صح ولا لاء ماشى

التحليل
1 تحب تمتلك معلومات دينيه وبصفه عامه بتحب تقرأ فى كل حاجه
2 متواضع
3 متهور لكن انت مش بتكون شايف نفسك كده لكن اللى حوليك بيكون انك متهور فى بعض المواقف
4 هادى بمعنى اى حد يقول او يعمل حاجه تعصبك انت بتفضل هادى او بتحاول تحافظ على هدوئك ده لكن لحد معين يعنى مش من اقولها صوتك بيعلى يعنى
5 متنوع يعنى مش بتحب نفسك تكون حاجه ثابته مش بتتغير
6 بتعرف ازاى تجذب الناس حوليك
7 بيجذبك الكلام اللى له وزن وقافيه وتحب تتدخله فى كلامك
8 طمـــــــــــــــــوح
9 شخصيه قياديه

في غاية الابداع و الدقة

الكلام مظبوط جدا

وعندي مواقف كتير جدا في حياتي بينطبق كل حرف علي كلامك

مشكوووووووووووووووورة جدا علي المجهود و لك جزيل الشكر