شوف الصعيده لما بيكتبوا الشعر

زائر

قصيدة بالصعيدي .. وبقول قصيده وواثق من كلامي

يعني لا خاطرة .. ولا نثر مسجوع ... ليه بقى ..؟؟؟

لأني كاتبها على بحر " النبوت " والبحر ده انا دارسه كويس

متنسوش انا شايل القاف وحاطط جيم .. صعيدي بقى

بحبووووووو يا بابا .....آآآآآآآآآآآآآآآآآآآه
........................................

شفت هريدي وِِلد شحيبر

جاعد وسط الخوص

جلت أطل عليه ولجيته

يا ولدااااه .. جاعد مجموص

جلت يمكن جتله الحاله ..!

أو يمكن محتاج إفلوس ..!

وسألته من ايه الحاله ؟؟

جال لي يابوي الدنيا حظوظ

جلت يا ولد جولي حكايتك

ومتعملش كه السووووس

جال لي يابوي انا كنت مسافر

وجوا الجطر لجيت فانوس

جلت يمكن جواه مارد

أو يمكن جواه إفلوس

ومسكته .. كه الكتكوت

ودعكته يمكن يطلع

ويجيب لي احلى نبوت

وعاللي شفته يا بوي مـ الدعك

حاجه اشتاتاً اشتوت

لجيت حرمه نزلت تحت

من أيام غزوة ابوك

....

جمت انا سائله " وعملت ايه ..؟؟ "

جال لي يابوي ودي عاوزه سؤال

جمت رامي عليها الشال

ونطيط مـ الجطر بسرعة

وجلت يلعن ابو المال

ولجيت نفسي فـ جلب الترعه

وحوليا شوية إعيال

بيزفوني يابوي عالقرعه

اتاري شعري سجط في الحال

يمكن ده تأثير الخضه

وسحنتها تشيب لـ جبال

..........

آه يابوي تعبت خلاص

كل مـ اروح فـ حته الاجي

حرمه تطلع اجوم محتاس

مرّه تطلع مـ البلاص

ومرّه الاجيها فـ الجرطاس

ومره نمت على جزع شجرة

لاجيتها طالعة وشايله الكاس

وأجول اعوذ من الوسواس

راحو فين بنات الناس

البنت كنت تشوفها تلاجي

ملّو عنيها لطف وإحساس

البنت كنت تشوفها تلاجي

شايلالك ود و إخلاص

لو كانت جاعده برنسيسه

او كانت شايله البلاص

كانت العين بتجول وتكفي

عن الحب كلام وخلاص

تلاقيه كه طالع مدّفي

مش محتاج تصريح بكفّي

لكن دلوجتي ما بيكفّي

ولازم كفها يمسك كفّي

لازم كتفها يجي فـ كتفي

وتجول لي " الأنكجه " بدّفي

واحنا ماشيين وسط الطيين

والخِلقه يا بوي ملياها عجين

حاطه يابوي دجيج مـ الفاخر

وطماطم جايه على بواخر

لو شفتها من غيره تتاخر

وتصوت

وتروح لمين

ما بجيتوا فـ الدار وحديكم

ومفيش ناس تانيين

ولا في شمال ولا في يمين

ادبست يا ولد شحيبر

طول عمرك يا ولد حزين
منقول

الصراحة شعر رائع
وله معنى حلو جدا

رائع حدا جدا