لاصحاب الدم الخفيف ...

زائر

يقولك مرة فار ماشى مع خطيبته فى الغابة وفجاة لاقى الاسد
فحب يعمل راجل قدام خطيبته فراح للاسد قاله: انت يا حيوان
الاسد رد قاله: انت بتشتمنى انا ؟؟
رد الفار وقاله: ايوة بقلك انت
و مشى الفار وراح وصل خطيبته لبيتها
وهو راجع قابله الاسد قالوا : انت كنت بتشتمنى انا يا فار؟؟
قالوا: لا والله دا انت ملك الغابة هو حد يقدر يشتمك؟؟
أنا بس كنت بعمل شويتين كدا قدام البت .. انا اسف وهات راسك ابوسها
طلع الفار على راسوا عشان يبوسها فلقى خطيبتوا معديه
فقال للاسد: ادوس على دماغ امك دلوقتى؟؟؟

محشش فتح بقالة وكتب على
الكلوركس:-مضاد للحموضة
ماء النار:-مرطب للوجه
الباتكس:-معجون أسنان
النير:-شامبو ضد القشرة
سم الفئران:-حلاوة طحينية
الفكس:-مرهم عيون

صعيدى أخذ شهادة دكتوراه فقال لزوجته والله ماخبرشى ليه
الناس بيضحكوا على الصعايدة أدينى جبت الدكتوراه. فقالت
له زوجته: دق على الخشب عشان العين. فدق على
الخشب. فقالت الزوجه مين على الباب؟ فقال الزوج: خليكي
انا حاشوف مين

مرة بدوي قال لأبوه: عايز آخذ نوكيا قال له:على جثتى
حتاخد بنت عمك

مرة صعيدي طلعله عفريت علاء الدين وقال له شبيك لبيك
خدامك بين ايديك قال له
عايز كوبري من الصعيد الى نيويورك
قال له مستحيل شوف طلب غيره قاله طيب خلي الصعايدة يفهموا
فكر شويه وقال له عايز الكوبري اتجاه واحد ولا اتجاهين ؟

· سواق ماشى ع الطريق واحد لابس احمر فى احمر شاور له فوقف السواق و قاله انت مين و عايز اية قالة انا الفرفور الاحمر و عايز توصلنى فقالة لا مبوصلش فرافير و مشى و سابة شوية لقى واحد لابس اصفر فى اصفر و بيشاورلة فوقف و قالة انت مين و عايز اية قالة انا الفرفور الاصفر و عايزك توصلنى فقالة لا مبركبش فرافير و مشى و سابة شوية و قابلة واحد لابس اخضر فى اخضر عمل معاة نفس الحكاية ف السواق سابة و مشى شو ية كمان كدة و لقى واحد لابس ابيض فى ابيض بيشاورلة ف السواق وقف و قالة يا ترى انت بقى الفرفور الابيض فقالة الراجل فرفور اية رخصك يا روح امك

كان فيه قرية كلها أغبياء وكان فيها حفرة كل الناس بتوقع فيها وبتتعورالعمدة جمع أذكى 3 فى القرية عشان يحلوا المشكلة أول واحد … إحنا نبنى مستشفى بجانب الحفرة الى يقع يدخل يتعالج العمدة …. أنت غبي آوى تانى واحد ….. إحنا نجيب إسعاف بجانب الحفرة الى يقع الإسعاف تشيلة للمستشفى العمدة …… أنت اغبى منة الثالث ……. يا حضرة العمدة إحنا نردم الحفرة دى ونعمل واحدة ثانية جنب المستشفى

صعيدي ربح مليون خافوا يبلغوه يموت مصدوم. قال العمده: أنا أقوله. قال يا محمدين لو كسبت مليون حتعمل بيهم إيه؟ قال: أديك نصهم. مات العمدة مصدوم!!

عريس مسطول على الآخر في يوم فرحه..بعد المعازيم مامشيوا دخل البيت لقى العروسة قاعدة،
قال والله انا كنت متأكد انهم في الهيصة دي هينسو حد
---
مرة واحد بيعدي الشارع مع صحابه خبطته عربية مات
نقوا واحد منهم عشان يقول لمراته فراح لها فتحت له الباب قال لها: جوزك ضيع كل فلوسه ع القمار
قالت له: إلهي ينشل البعيييد
قال لها: و باع البيت
قالت له: إلهي يبيعوا عني
قال لها: و اتجوز عليكي على فكرة
قالت له: إلهي يدخلوا عليا شايلينه
الراجل قال: بس.. خشوا يا شباب
----
واحد مسطول ماشي في الشارع لقى عمود نور مكتوب عليه شقه للإيجار راح قعد يخبط على العمود لغاية مجاله مسطول تاني قاله بتعمل ايه هنا قاله اصلي لقيت مكتوب شقه للإيجار قعدت اخبط ومحدش فتح لي قاله غريبه مع ان الجماعه منورين النور فوق

مرة نمر كل مايشوف فار يضربة على افاه ويقله انت ماشى حافى ليه
الفار افاه ورم راح
للاسد يشتكى النمر
الاسد راح للنمر قاله هو ده ادك وانا بقرف منه قاله خليك كبير كل ماتشوفه قله اطلع هالتلى تفاحة لو جبها حمرة اضربة وقله كنت عايزها خضرة ولو حمرة قله كنت عايزها خضرة
جالوا الفار قاله هاتلى تفاحة
رد الفار عايزها حمرة ولا خضرة ضربة على افاه
وقاله انت ماشى حافى ليه
------------------------------
مرة اتنين مجنين وقفين فوق عمارة وكان فى عربية حلويات معدية فالمجنون الاول بيقول للتانى

نط هتلنا حلويات فنط مات الناس اتلمت عليه فالمجنون الى فوق اله ياغبي قلتلك هتها مش توزعها
------------------------------
اثنين من الصاعيده هاجموا الناس الي بتطلع عليهم نكت وطلبوا من أي شخص بحراوي يعملهم أختبار لذكائهم فدخل الصعيدي

الأول وسأله البحراوي:حاجه بنلبسها لونها أسود وليها رباط
فجاوب الصعيدي:جزمه طبعآ
فرد البحراوي عليه:شكلك هتخلينا نغير تفكيرنا في الصاعيده نادي على زميلك ألي بره
الصعيدي وهو خارج همس في ودان زميله وقال له:هيسألك عن الجزمه
سأل البحراوي الصاعيدي الثاني حاجه لونها أسود بتتألي في الزيت وبتتاكل
أه هيه؟
رد الصعيدي:برباط يا بيه!!!
قاله البحراوي:لأ
رد الصاعيدي:تبجى بلغه يا بيه
----------------------------------
واحد بخيل عنده اربع حيطان دهن واحده منهم باللون الاصفر
والباقى كتب عليهم نفس اللون
-----------------------------------

خبيث دخل أحد المطاعم وطلب صحن فول، وبعدما أنتهي من آكله سأل
الجرسون: كم تريد ثمناً للفول، اجابه: 13 قرشاً..مد الخبيث يده في جيبه وأخرج
ال13 قرش ورماها على الارض.. وتكرر المشهد 3 أيام متتالية. وفي اليوم
الرابع دخل المطعم وما معاه فلوس فاعطى الجرسون ربع جنيه(25) قرش وقال
له واحد فول، طبعا الجرسون حب ينتقم منه فاحضر الباقي(12)قرش ورماهم
على الارض وقال له خذ الباقي، فاخرج الخبيث قرش من جيبه ورماه فوق ال( 12) قرش وقال للجرسون كمان واحد فول لو سمحت

اجتمع ثلاثة من البخلاء وقرروا التبرع بجزء من مالهم بعدما كثر كلام
الناس عليهم. قال البخيل الأول: سأرسم دائرة على الأرض وأرمي المال في
السماء فالمال الذي يسقط بداخلها لي والمال الذي يسقط خارجها للفقراء!! قال
الثاني: أما أنا فسأرسم خطاً على الأرض وأرمي المال في السماء فالمال الذي
على يمين الخط لي والمال الذي على شمال الخط للفقراء!! فقال الثالث ( وكان
أشدهم بخلاً): أما أنا فسأرمي المال في السماء فالمال الذي يسقط على الأرض لي
والمال الذي يبقى في السماء للفقراء

صعيدي واقف قدامه 5 شياطين 1 بيوسوسله و 4 بيفهموه

اثنين محششين بتكلمو الاول بيقول للثاني اليوم شفتلك فيل اخضر طاير ، قالو الثاني معقول اخضر
اتمني ان تنال اعجابكم heart

اي اجماال ده
انا عايز المورد الرسمي لذلك الجمال
مشكككككككككككككككككككككككككككككككككككوره
عايز اكتر

شديدة موووووووووووووووووووووووت
و خصوصا بتاعة الفار الجامد اللى داس على راس الأسد

ههههههههههههههههههههههههههههههههه

زائر

اي خدمه احنا بس عيزنكوا تضحكوا بجد
وبالنسبه لاسؤال أبو حميييييييد
المورد الرسمي هو حبي للمنتدي وانتمائي ليه واحساسي اني وحده من شباب العيله
هو ده اكبر مورد