محدش فاهم حاجة

موضوع: محدش فاهم حاجة السبت أبريل 05, 2008 7:52 pm

فى احد قعداتى مع اصحابى المثقفين ( بس ما قول لكوش ناس كده اعوذ بالله )
قال واحد ع الثانوية العامة والدنيا والاضراب اللى بيقولوا هيحصل بكره

محدش فاهم حاجة
وانا شخصيا مش عايز أفهم
عشان قبل كده فهمت
ولما فهمت فكرت
ولما فكرت مفهمتش
أصلها عايزه ناس تحل معادلات
وتفسر خوارزميات
وأنا مفياش دماغ لخد وهات
أتعب ليه وأنا ممكن أرتاح
ماهو قالهالك زمان
نام و إرتاح يأتيك الفلاح

رد عليه واحد قال له انت هتعيش ايه الكلام الكبير ده
ولقيته بيقول حتة قصيدة صغننة بس جامدة
من طلب العلا نام الليالي... وشد اللحاف وقال وأنا مالي
آه يا دنيا وضاق فيها حالي... جريت عليكي ومنتيش جاية لي
صداعي نصفي وبطني خالي... ولسة بأضحكلك، ولم تبالي
ياخي ملعون أبوك على أبو أمالي... على أبو من فيك عزيز وغالي

انا بس عامل الموضوع ده
عشان اسألكم
هتعملوا ايه مع الاضراب ومع الثانوية ومع الدنيا الجامدة اللى عايشين فيها

يلا بااااااااااى

يعنى ربنا يستر و منضربش فى السكة

أما الثانوية فأنا خلصتها من زماااااااااااااااااان

ياااااااااااااه كل ده من تهيس الثانوية الحامة !!!

لا انا بتكلم بجد
ايه رايكم فى حكاية غلو الاسعار والاضراب اللى كان متخطط له

زائر

والله عندك حق بعيد عن الثانوية و ربنا يخلصنا منها على خيير ان غلاء الاسعار ده مش في مصر بس ده كمان في السعودية وجميع انحاء العالم وده ابتلاء من ربنا و قاله لنا المصطفى الحبيب الرسول (صلى الله عليه و سلم) انه فيما معناه حيصل غلاء شديد في الاسعار
وفي حل انه الناس لو متشتريش لمده يومين بس الاسعار هترجع زي الاول بس للاسف مفيش حد بيعمل كده
ربنا يصبرنا و يصبر كل المسلمين

يارب سترك

ربنا يستر و يوفأنا للحل السليم للمشكلة دى

قال النبي صلى الله عليه وسلم "تركت فيكم ما ان تمسكتم به لن تضلوا بعدي ابداً كتاب الله وسنتي"
ويقول الله عز وجل "من يتق الله يجعل له مخرجاً ويرزقه من حيث لا يحتسب"

وربنا يسترها معانا ومع بلدنا عشان مهما كان دي برده مصر بلدنا " ادخلوا مصر ان شاء الله آمنيين"